LAN-BALDINTZA TXARRAK, EAE-KO HERRITARREN KEZKA NAGUSIA

Herritarren kezka nagusiak zein diren jakiteko, Deustoko unibertsitateak, sei hilero bezala, inkesta bat egin du. Azkenaren emaitzak diotenez inkestatuen %34-ek  prekarietatea, ondoren langabezia (%32), pentsioak (%24) eta immigrazioa (%23) kezka nagusi bezala aipatu dute.

Egoera ekonomikoaren aurrean, herritarren "etsipen ikaragarria" nabarmendu da; izan ere, gehiengoak (%66) krisitik atera ez dela uste du, nahiz eta datu makroekonomikoek kontrakoa esan. Gainera, datorren urtean berdin jarraituko duela uste dute %75ek. 

Bestalde, inkestatuek azken sei hilabeteetan elikaduran gastuak murriztu dituzte % 29k (% 23k haragi eta arrain kontsumoa murriztu du), eta portzentaje horrek gora egiten du aisialdi gastuei dagokionean (% 54).

Lan-baldintza txarrak eta krisia direla eta, inkestatuen ia erdiak (%47) uste du haien      seme-alabak eurak “baino okerrago biziko” direla, nahiz eta hezkuntza maila        handiagoa izan, orain arte sekula ikusi ez den egoera.