Internet bidez erosteko abantailak eta desabantailak

Internet bidez erosteko abantailak eta desabantailak

Azken urteotan internet bidez eroketak egitea erosketa ia-ia ohikoena egin zaigu gehienontzat. Noski, badago nor oraindik ez duela ezer ez erosi inoiz internet bidez, bai fidatzen ez direlako eta bai erabilgarria ikusten ez dutelako internet bidezko erosketa.

Dudarik gabe internet bidezko erosketa orrialde ospetsuena eta erabiliena Amazon da, bertan telefono mugikorrak, galletak, panpinak, irratiak, eta pentsa dezakegun guztia saltzen dute, baino oraindik badago jendea ez duela erosten gauzak internet bidez, eta hari lotuta, zein dira internet bidez erosteko abantailak eta desabantailak?

Has gaitezen desabantailekin, egia esan, nahiz eta nire ustez gutxiago diren abantailak baino, aipatu behar dira, pertsona batzuentzat abantailak baino pisutsuagoak izan daitezkeelako erosterako garaian. Lehenik, gehiegi gastatu dezakegu askotan internet bidez erosketak egitean, bertan denetarik dagoelako, eta gauza tentatzaile mordo bat ikusi dezakegulako sarean. Bigarrenik, produktu askoren kalitatea airean egon daiteke batzuetan, esaterako, arroparen kasuan, ezin dugu jakin zehatz-mehatz ea kalitatea ona den ala ez, ukitu arte, eta geroztik arriskua da batzuetan horrelako produktuak erosterakoan. Horrez gain, internet bidezko erosketak egiteko webguneetako bueltatzeko legea askotan arriskatua izan daiteke, hau da, produktu bat erosterakoan, gustatu ez bazaio erosleari, zaila bihur daiteke bueltatzea produktu hori internet bidezko erosketa webgune askotan (noski, beste askotan ez), eta hori kontuan hartzeko gauza bat da erosterakoan. Azkenik, garraioa da, eta honek bi desabantaila ditu, lehenik garraioaren kostua (produktuaren kostuari gehitzen zaiona), eta bigarrenik garraioaren denbora (kasu batzuetan hilabete bat baino gehiago iraun dezakete).

Hori esanda, abantaila asko ere baditu internet bidez erosteak. Lehenik, erosteko erosotasuna da, hau da, ordenagailutik erosi dezakegu, mugikorretik, bidaiatzen gaudenean, lanean gaudenean… Pentsa ezin dezakegun modu eta tokietatik erosi dezakegu nahi duguna. Bigarrenik, eta aurreko arrazoiaren erosotasunarekin batera, denda fisiko batera joan behar ez izatea da, hau da, ez dugu pentsatu behar nora joan behar garen erosi behar duguna erosteko, edozein lekutatik eros dezakegulako. Horrez gain, baino arrazoi berari lotuta, denda batera joatean ditugun desabantaila batzuk saihestu ahal ditugu, esaterako ilara luzeak itxarotea, parkinetako sarrerak ez ordaintzea etab. Azkenik, aukera ezberdinen abantaila da, hau da, minutu gutxitan produktu baten beste hainbat pareko produktu aurki ditzakegu, eta batzuetan bilatzen duguna baino hobeagoa izan daiteke.

Ondorioz, norberaren aukera da internet bidez edo denda fisikoetan erostea, eta pertsona batzuei bata irudituko zaie komenigarriagoa eta beste batzuei beste aukera, baino dudik gabe esan dezakeguna zera da, internet bidezko erosketak mundua aldatu du.