PUBLIZITATEA ETA ANUNTZIOAK

            Gure eguneroko bizitzan behin eta berriz ikus dezakegu publizitatea. Baina hau ez telebistan bakarrik, irratian, kalean, autobusetan, egunkarietan … Baina zer da publizitatea? Bada, komunikazio prozesu masiboa da, produktu, ideia, instituzio, zerbitzuen aurkezpen eta sustapena helburutzat dituena.

            Publizitateak, lehen esan ditudan helburu horiez gain, baditu beste garrantzitsuagoak diren beste batzuk; jendearengan eragina izatea, markaren irudia hobetzea… baina denetan garrantzitsuena den helburua, jendea erostera bultzatzearena da. Anuntzio edo publizitatea azken finean, horretarako erabiltzen baita.

            Anuntzio bakoitzak bere originaltasun eta estiloa duela ere erakutsi behar dute, beti produktuarekin zer ikusia edukitzen badute. Anuntzioekin atentzioa deitu nahi dutenez, erakargarri bihurtzen dituzte pertsona, leku, animazio zehatz eta egokiak erabiliz, hau da, marketina erabiliz.

            Anuntzioen munduan diru asko mugitzen da, bakoitzaren atzean izugarriko lana dagoelako. Baina ez hori bakarrik, anuntzio hori mundu osoak ikustea nahi badute, aukera onena telebistan botatzea da, eta ordu edo kanalaren arabera garestiago edo merkeagoa izango da. Badira urteko zenbait momentu non ia jende guztia telebistari begira dagoen, urte berri eguna hain zuzen. Urteko lehenengo anuntzioak, izugarrizko dirutza ordaindu behar izaten du hori telebistan botatzeko, baina egoeraz aprobetxatuz eta diru asko horretan inbertituz, jendeak gero produktu hori erosi egingo du. Publizitateak arazo larriak ere ekarri izan ditu, idealizazio kontzeptua asko erabili ohi delako beraietan.

            Publizitateari beste erabilera bat ere ematen zaio, kasu honetan ez produktu bat erosteko, baizik eta, gizartean dauden kanpainen propaganda antzeko bat egin eta beraietara gehitzeko. Adibidez, matxismoaren aurka, genero indarkeria, matrikulazio kanpainak, txertoen kanpainak…  hauetako informazioa zabaldu nahi badute, teknika bera erabiltzen dute, hau da, publizitate eta anuntzioen bidez informatzen dute jendea.