Industria pizkundea eta manufaktura aurreratua.

Lan honetan, fabrikazioa eta bereziki, fabrikazio aurreratua oparotasun nazionalaren oinarria izatearen arrazoia aztertzen dute. Halaber, bai zerbitzu- eta manufaktura-jardueretan bai enpresetan eta gizartean eragina izango duten funtsezko teknologien bilakaera eztabaidatuko da; produktibitatea, gaitasunak, lanpostuak, antolatzeko moduak eta balioa sortzeko jardueren kontzentrazio eta sakabanaketa globala hobetzea eragingo duten teknologiena, hain zuzen.

Ondorioztatzen denez, konplexutasun ekonomiko handiko herrialdeetan, garapen teknologikoek oparotasun nazionalean eragin positiboa izango dute, betiere politika egokia ezartzen bada eta horri eusten bazaio; bereziki, goi-mailako kualifikazioa duen behar adinako eskulana garatzeari dagokionez. Konplexutasun ekonomiko txikiko herrialdeen kasuan, ikuspegia zailagoa da, eta, konplexutasun ekonomikoa azkar areagotzeko politika arrakastatsu bat ezarri ezean, baliteke oparotasun nazionala murriztea eta horrek beren gaitasunak egokitu ez dituzten pertsonengan, langabezia-tasa handia dutenengan, eragin negatiboagoa izatea beherantz doan lan-eskaera txikiko testuinguruan.