BIRSALMENTA

 

Interneteko birsalmenta

Birsalmenten negozioa, gaur egun komunikabideetan sarritan entzuten den gai bat da. Sarrerak bere ohiko prezioan erosteari eta ondoren prezio altuago batean saltzeari deritzo. Ez dago legerik birsalmenta arautzen  duenik, beraz jende asko horretaz aprobetxatu egiten da, hala nola, prezioak bikoizten edota hirukoizten. Eta gezurra dirudien arren, jendeak izugarrizko dirutza ordaintzeko prest egoten da beraien idoloak edota ikuskizun garrantzitsuak (kontzertuak, futbol partiduak, etab) ikusteko.

Baina zergatik egiten da birsalmenta? Alde batetik negozio borobila da, hau da,

inbertsio txiki bat eginez, diru kopuru handia irabazi ahal da. Baina egia da, beste batzuetan dirua galtzeko arriskua izaten dutela, ez baitago ziurtatua beraien inbertsioa berreskuratuko dutenik. Bestalde, edozein pertsonak egin ahal duen praktika bat da. Behar duzun gauza bakarra ordenagailu on bat izatea da edo ilarako lehena izatea eta nahi dituzun adina sarrera erostea. Eta hau gutxi balitz, oraindik zigortua ez dagoen negozio bat da Europako zenbait lurraldetan, ez baitago ez legerik ezta araudirik ere salerosketa hauek arautzen dituenik.

Zenbait herrialdetan hasi dira interneten bidezko birsalmentak zigortzen baina Espainian interneten bidezko birsalmenta legala da, eta kaleko birsalmenta ez. Frantzian berriz, 2012. urtean onartutako legearen arabera, 20.000 eta 40.000 euro arteko isuna jaso dezake sarrerak berriz ere saltzen dituenarentzat.

Hau ekiditeko, zenbait neurri ezarri beharko lirateke. Adibidez, sarrerak nominatiboak izatea eta erosterako orduan gehienezko kopuru bat izatea. Honetarako, interneteko orrialdeak ere seguritate gehiago eduki beharko lukete “hacker” informatikoak saihestu ahal izateko. Haiek, makinak eta programa berezi batzuk erabiltzen dituzte sarrerak era handi batean erosteko. Eta jakina, lehenbailehen lege bat ezarri beharko zen  salerosketa hauek ekidin ahal izateko.

Ni pertsonalki,  ez nago batere ados birsalmentaren negozioarekin. Pertsona bakar batek sarrera asko erosi ahal dituelako ondoren prezio altuagoan saltzeko, beraz erosi nahi duenaren aukerak asko jaitsi eta mugatzen dira. Zorionez, artisten eta beste erakunde batzuen salaketaren ondorioz, gobernuak aurrera pausu bat eman nahi du gai honetan. Horretarako, lege bat egiten ari dira hutsune legal hori konpondu ahal izateko. Gainera, Estatuaren kalterako diru beltz ugari mugitzen da negozio honetan, urtero milioika euro galduz.

BIBLIOGRAFIA:   https://www.ocu.org/consumo-familia/compras-online/informe/reventa-de-entradas   https://www.berria.eus/albisteak/133065/interneteko-birsalmenta-auzitan.htm    http://variacionxxi.com/2018/11/15/la-reventa-uno-de-los-negocios-mas-rentables-del-mercado-negro/