Gipuzkoako Aldundiak eutsi egingo die N-1eko eta A-15eko bidesariei

 N-1 eta A-15 autobietatik pasatzen diren kamioiek, bidesaria ere ordaindu beharko dutela esan du Aintzane Oiarbide Bide Azpiegituretako diputatuak, batzar nagusietan egindako agerraldian. Espainiako Auzitegi Gorenak esan zuen martxoaren hasieran legez kanpokoa zela bidesarien lehen araua, 2016 urtean ezarritakoa, kanpoko garraiolariak diskriminatzen zituelako. Hala ere, ez da hori indarrean dagoen araua, aldundiak aldatu egin baitzuen EAEko Auzitegi Nagusiaren lehen aurkako epaia iritsi zenean. 2018ko bigarren arau horrek zenbait moldaketa egin zituen prezioetan eta ordaindu beharreko errepide zatietan.

 Garraiolariek  Markel Olanoren gobernuari bidesarietan kobratutako dirua itzultzeko garraiolariei eskatu diote, eta ohartarazi diote bidesarietan tematzeak, ondorio ekonomiko larriak ekarriko dizkiola aldundiari.  Foru arduradunak adierazi duenez, aldundiko zerbitzu juridikoak Auzitegi Gorenaren epaia aztertzen ari dira, haren aurka errekurtsorik jarri behar den zehazteko, oinarri juridikoetan ez zaie erantzunik ematen sortutako gai nagusietako batzuei.