Alternatiba bat existitzen da, eta Christiania du izena

Alternatiba bat existitzen da, eta Christiania du izena.

Imajina ezina egiten da pentsatzea hiri handi batean autogobernua duen auzo hippie bat dagoela, baina, badago. Copenhagueneko erdialdeko auzoetako bat da, Christiania izena duena. Arraroa dirudien arren, anarkia batean bizi dira, legerik eta zergik gabe.

Auzo edo nazio txiki-txiki hau, 1971ko irailaren 26ean sortu zen. Guraso hippie batzuk beraien seme alabak jolasteko leku baten bila zeuden. Horregatik, base militar huts bat bereganatzea  pentsatu zuten, eta urteak gobernuarekin tira-biretan egon ondoren, lortu zuten. Horrela jaio zen, auzo alternatiboa, Danimarkatik eta Europar Batasunetik kanpo.  34 hektarea hartzen ditu, eta bertan 1.000 pertsona inguru bizi dira.

Nazio honek, fama du, batez ere bere Pusher Streeteko drogen merkatuarengatik. Bertan Marihuana legala da, horregatik, asko eta asko bertara joaten dira kontsumitzera. Landare hori beraiek landatutakoa da, beste guztia bezala. Jaten dutena beraiek landatutako produktuak dira, saltzen dutena bezalaxe. Garagardo propioa eta guzti dute! Okologisk Christianias Thy Pilisner izena du eta ekologikoa da. Baina ez da garagardoa ekologikoa den bakarra, beraien bizitza estiloa ekologikoa da, duten helburu nagusienetako bat beraien karbono-aztarna murriztea da. Hortaz aparte, ibilaldi turistikoak eskaintzen dituzte, arropa dendak dituzte, eta beste hainbat negozio. Christianatarra askok leku horietan egiten dute lan, beste batzuk ordea auzo horretatik kanpo. Eta alderantziz ere gertatzen da, kanpoko askok hor egiten dute lan. Eskolei dagokionez, aurtzaindegiak dituzte, baina eskolak ez. Copenhagueko beste auzoetako eskoletara joaten dira gazteak. 

Bertako biztanleek ez dizkiote Danimarkako gobernuari zergarik ordaintzen. Beraien “zerga” propioak dituzte. Biztanle edo familia bakoitzak diru kopuru bat eman behar dio Christianiari, horrela, etxe berriak eraikiko dituzte, zaborrak kudeatzeko ahalmena izango dute, etab. Baina, nola moldatzen dira legerik gabe?  Beraien arau propioak dituzte, eta beti betetzen dira. Ez dira asko bizi hor, beraz errazagoa da biztanleria kontrolatzea. Beraien norma horiek oso sinpleak dira: kotxerik ez, droga gogorrik ez, biolentziarik ez, kanpatzea debekatuta, moto talderik ez (iraganean izandako arazoengatik),  balen aurkako arroparik ez, su artifizialen salerosketarik ez, ezta objektu lapurtuen eta argazkirik ez (batez ere Pusher Streeten, marihuana kontsumitu ahal den arren, Cophenhagueneko gobernuari ez zaio gehiegi gustatzen, beraz poliziek horrera jaoteko hoitura hartu dute). Auzo hau anarkista izateaz aparte, edo anarkista delako, mugimendu okupa defendatzen dute. Lehen esan bezala,dirua biltzen dute, eta horrela eraikitzen dituzte etxe berriak. Horiek ez dira ez saltzen ez alkilatzen, jabetza pribatua defendatzen ezbaidute. Ondorioz, arau bat dute horren inguruan, norbait baldin badoa, eta etxea libre uzten badu, 6 hilabete pasa ondoren (bueltatzen ez bada) etxe hori okupatzeko eskubidea izango dute. Arau horiek urteetan zehar sortu dira. Bertako biztanle batek dio: “ Ados tasunezko demokrazia baten antzerako sistema bat dugu, non ados jartzen garen erabakiak hartzeko garaian. Christianiaren sekretua  hori da, beti ados gaudenarena; gainera, erabakitzen duguna egiten dugu”.

Auzo hau babesten zuen legea 1989an egin zuten. Baina, gaur egun, gobernu eskuindarra boterean jarri denetik arazoak izaten ari dira. Beraz, Christianiarekin amaitu ez dezaten, bertako biztanleriak lurrak erosi behar ditu. Horren aurrean, fundazio bat sortu dute dirua jasotzeko helburuarekin. Ea ez duten auzo alternatibo hau, bizitza ezberdin bat existitzeko aukera badagoela erakusten diguna, suntsitzen!

--------------------------------------------------------------------------------------------------------------------------

Bibliografia

https://www.codigonuevo.com/viajes/christiania-pequena-ciudad-ley-vicio-copenhague
https://elpais.com/elpais/2019/12/30/seres_urbanos/1577727502_537304.html
https://www.copenhague.es/que-ver/christiania/
https://es.wikipedia.org/wiki/Ciudad_Libre_de_Christiania
https://www.viajardinamarca.com/visitar-christiania-copenhague.php
https://www.youtube.com/watch?v=-i7-_yQ2JuQ
https://www.youtube.com/watch?v=OnlhSMlJxSk
https://www.youtube.com/watch?v=LHlXqAmmMXM
https://www.youtube.com/watch?v=7dpA-bWz2FY